REDE Inmunogenom

A rede INMUNOGENOM xurdiu no ano 2014 coa finalidade de establecer un marco de colaboración entre grupos da Universidade de Santiago de Compostela (USC), cunha importante traxectoria de investigación en acuicultura, e incorporando a experiencia do grupo de Patoloxía de Moluscos do Centro de Investigacións Mariñas (CIMA). Os grupos teñen unha activa colaboración co sector industrial e as administracións públicas, de ahí a importante proxección aplicada da sua actividade.

​

O enfoque principal da rede INMUNOGENOM é a abordaxe multidisciplinar do estudo das principais patoloxías de peixes e moluscos, para facilitar o seu control e para o desenvolvemento de actuacións encamiñadas á mellora e sustentabilidade da produción da Acuicultura Galega. A rede serve como plataforma para proporcionar servizos á industria, comunidade universitaria e centros de investigación, para dar soporte científico e técnico ás propostas de novos proxectos e para responder os problemas actuais e futuros do sector. Outro ámbito de actividade da rede, desenvolvido con éxito durante o seu funcionamento, é o da formación e divulgación, coa organización de workshops, reunións científicas e impartición de cursos abertos ao mundo académico, industrial e administrativo.

​

A rede está financiada pola Consellería de Cultura, Educación e Ordenación Universitaria. Xunta de Galicia.